Ardit Gjebrea: Nuk e them sesa fitoj, por jam dorëshqyer

nga **capkenja** prej Sun Feb 28, 2010 1:43 pm

Ardit Gjebrea, këngëtari, kantautori, kompozitori dhe prezantuesi i një prej spektakleve të fundjavës në Shqipëri, ka treguar sekretet e tij në Junion Club, një emision për adoleshentë në Digitalb. Showman-i shqiptar pohon se është i famshëm dhe këtë e ka arritur me punë, studim dhe talentin pa diskutim, por ajo që e ka ndihmuar më së shumti ka qenë fakti se ai nuk ka reshtuar “së qëni vetvetja”. “Të jesh vetvetja kjo më ka ndihmuar të jem ky që jam sot”. I pyetur nga kureshtja e një adoleshenti sesa fiton një artist i suksesshëm si ai, Gjebrea përgjigjet se “aha ca gjëra nuk tregohen”, por pyetjes se a është kërnac apo dorëlëshuar, këngëtari nuk hetizon të përgjigjet “jam dorëshqyer, vlen kjo si përgjigje. Jam dorëshqyer sa s’ka më”. Gjebrea nuk heziton të shpjegojë se nuk është bërë kurrë pre e drogës dhe s’ka provuar asnjëherë, pavarësisht se njëherë ka tentuar ta bëjë këtë. “Kam qënë i ri, në Bari dhe kisha rast ta provoja, por thashë jo”.