Gërhitja e dëmshme për shëndetin

nga **capkenja** prej Thu Feb 11, 2010 4:59 pm

Cfare eshte gerhitja?!

Te gerhiturit eshte nje problem i rastisur shpesh. Te gjithe nga ju njihni te pakten nje njeri nga familja apo nga rrethi familjar qe gerhet. cfare eshte gerhitja dhe si mund te kurohet?

Te gerhiturit eshte nje problem i rastisur shpesh. Te gjithe ju njihni te pakten nje njeri nga familja apo nga rrethi familjare qe gerhet. Cfare eshte gerhitja dhe si mund te kurohet?

Pergjigjen e kesaj pyetjeje mund ta gjeni ne lajmin e publikuar ne adresen foxnews.com

Disa mund te bejne shaka me ju, te tallen per shkak te gerhitjes, por kjo mund te jete nje shenje e nje semundjeje serioze e njohur si OSA, gjume obstruktif apnes. Kjo semundje eshte pare dhe analizuar nga specialistet e gjumit dhe nga kjo duhet te mesohet sesi te ndalet gerhitja.

Per ato te cilet nuk gerhasin per shkak te kesaj semundjeje problemi nuk paraqitet aq serioz dhe per te ndaluar gerhitjen mund te merrni disa masa paraprake:

Cfare eshte gerhitja? Gerhitja eshte zeri qe del gjate frymemarrjes se personit kur ai eshte ne gjume. Ky ze dridh qiellzen e lart dhe gjuhen e vogel. Kuptimi i fjales Apnes eshte ndalimi frymemarrjes. Fatkeqesisht gerhitja shihet me shume tek burrat se tek grate.

Kurimi i gerhitjes: pika me e rendesishme ne kurimin e OSA eshte zgjidhja e disa problemeve te lidhura me kurimin. Nese doni te hiqni gerhitjen shikoni me kujdes keshillat e meposhtme:

Faktoret jetik: Gjate kurimit te OSA duhet te hiqen disa faktore. Heqja e tyre mund ta zgjidhe problemin. Kilet e teperta sjellin nje menyre pasive te jetuari dhe hap rrugen e problemeve te tiroideve. Por nese jeni ne peshe ideale atehere ky proces eshte krejt i kundert.

Konsumimi i cigares: Te gjithe i njohim efektet negative te cigares ne trupin tone. Cigarja ndikon shume edhe ne gerhitje. Tymi i duhanit shkakton fryrjen e cipes se hundes dhe indeve te fytit dhe bllokimin e eneve te vogla te mushkerive.

Rregulli i gjumit: gjumi i shendetshem ndahet ne dy etapa. Ne etapen e pare eshte pjesa kur bime te fleme dhe na vjen gjumi , kjo etape mund te perseritet disa here gjate nates. Ndersa gjumi REM eshte gjumi ku shihen shpesh endrrat. Nese nje person nuk ben gjume te rregullt gjate kohes se gjumit mund te shfaqen probleme serioze ne frymemarrje. Prandaj ne kete rast duhet te rregulloni gjumin dhe te fleni te pakten 7,5 ore.

Problemet mjekesore: Nese tek personi ka ndonje element qe shkakton bllokimin e hundes, gojes apo te mushkerive atehere mund te ndikoje ne zhvillimin e Apnesit te gjumit. Brenda problemeve te hundes hyjne te gjitha llojet e alergjive dhe tharja e cila shkaktohet ne fyt nga soba me dru. Ne mes te faktoreve qe bllokojne fytin jane bajamet e medha, niveli i larte i indeve yndyrore dhe rritja e disa indeve te perziera pas fytit. Ne kete rast operacioni mund te ndihmoje ne heqjen e pjeseve te padeshiruara dhe te teperta.

Stili i jeteses para operacionit: Nese gerhisni shume dhe familja e te afermit tuaj ankohen, duhet te analizoni me shume kujdes listen e stilit te jeteses. Lerini disa zakone te keqija dhe beni me shume ushtrime. Nese vazhdoni te gerhisni edhe pasi keni bere ndryshimet, atehere duhet te shkoni tek specialisti i rrugeve respiratore.
•infoalb•

nga **capkenja** prej Thu Feb 11, 2010 5:00 pm

Gerhitja, rrezik per zemren

Dikush qe gerhet nuk eshte problem vetem per personin me te cilin ndan shtratin, por rrezikohet seriozisht nga semundjet e zemres.

Sipas eksperteve gerhitja eshte bombe me sahat persa i perket rrezikut kardiovaskular.

Kush gerhet cdo nate ka rrezik edhe per iktus kater here me shume se nje person normal.
•tch•

nga **capkenja** prej Thu Feb 11, 2010 5:01 pm

Gërhitja - kur nata kthehet në makth

Gërhitja jo vetëm që është e mërzitshme por edhe e pashëndetshme. Zhurma ndonjëherë shurdhuese e gërhitjes e shqetëson partnerin, por vetë gërhitësit ky gjum jo i qetë i sjell pasoja të këqija.

Gërhitësi merr frymë me vështirësi për shkak se rrugët e frymëmarrjes si nëpërmjet gurmazit apo hundës janë ngushtuar. Trupi i tij nuk arrin të marrë veten gjatë gjumit, ai është tërë kohës nën stres. Kjo sjell shqetësime në zemër dhe në qarkullimin e gjakut. Truri merr shumë pak oksigjen. Hetimet kanë treguar se gërhitja ul aftësinë për t'u përqendruar dhe shkallën e inteligjencës.
Gërhitja ndodh vetëm gjatë të fjeturit. Ajo ndodh kryesisht gjatë marrjes së frymës, rrallë gjatë nxjerrjes së saj. Gjatë gjumit, çdo muskulaturë e trupit flë, poashtu ndodh edhe me muskujt e padukshëm në gojë dhe në zonën e frymëmarrjes. Kur këto muskuj çtendosen gjatë gjumit, pjesët e qullëta lëkunden dhe dridhen pas çdo frymëmarrje. Dridhja është ajo që nxjerr zhurmën tipike të gërhitjes.

Më shpesh gërhasin burrat sesa gratë. Gratë gërhasin më shpesh kur nisin të thyhen në moshë.
Shumë herë operacioni mund të ndihmojë në largimin e të gërhiturit kur arrihet të hiqet mishi që vështirëson frymëmarrjen.Fli mirë që të jesh në formë !

Ka një lidhje midis gjumit dhe karrierës. Sipas zëdhënësit të shoqërisë gjermane të studimeve mbi gjumin dhe ilaçeve për gjumë (DGFM) Göran Hajak, ata që flënë në kohë dhe sa duhet kanë shanse dy herë më të larta për të bërë karrierë dhe pasur suksese nga ata që nuk flënë mjaftueshëm.

Gjumë i pamjaftueshëm është kur njeriu nuk është ngopur akoma me gjumë në mëngjes dy orë përpara se të zgjohet me të vërtetë.
Të rriturit kanë një, dy deri tre faza lodhjeje në ditë. Nëse njeriu pushon gjatë këtyre fazave duke fjetur deri në gjysëm ore, atëherë është në gjendje të përballojë shumë më tepër punë.Gjithkush është shpjegues i ëndrrave të veta

Një qasje e re ndaj shpjegimit të ëndrrave vë gjithkënd në gjendje të kuptojë në mënyrë të pavarur dhe vetëshëruese ëndrrat e tij dhe njëkohësisht problemet e lidhura me to dhe mënyrat për t´i zgjidhur.

nga **capkenja** prej Thu Feb 11, 2010 5:01 pm

Prej mijra vjetësh ëndrrat përpiqen të shpjegohen pothuajse në të njëjtën mënyrë. Të huajt na tregojnë se si të përkthejmë ëndrrat tona.
"Ndryshimi midis këndvështrimit tim mbi ëndrrën dhe këndvështrimit tradicional qëndron në atë që unë mendoj se një ëndërr mund të përshkruhet dhe përkthehet që nga rreshti i parë e deri tek i fundit", shpjegon Dr. Max Segeth, psikologu që ka zhvilluar këtë qasje.
Nga ana tjetër një ëndërr mund të kuptohet dhe përkthehet nga vetëm ai që e ëndërron: ëndrra ka të bëjë me gjendjen e tanishme të personit. "Meqënëse e tërë ëndrra ka të bëjë drejtpërdrejtë me atë që e ëndërron, ky i fundit duhet të arrijë ta protokollojë pa lënë gjë mangut duke zëvëndësuar pastaj personat, kafshët, sendet, ngjyrat dhe numrat në ëndrrën e tij me veti të shoqëruara në mënyrë të vetvetishme, dhe kështu duke u nisur nga kjo që doli të shkruajë sërisht ëndrrën e tij duke e lidhur me gjendjen e tij të sotme.

Një grua e pa veten në ëndërr sikur ndodhej në një varrezë. Aty iu shfaq një i njohur i vdekur me një veshje që të binte në sy, i cili po e tërhiqte drejt vetes. Ëndërruesja, një grua e vjetër që deri në atë çast kishte pasur një mënyrë të jashtzakonshme të jetuari, i shoqëronte këtij të vdekuri vetinë 'Teprim'. Ky mesazh përkthehej: 'Lëre teprimin të vdesë!'. Kjo 'shenjë që i vinte nga e pavetëdishmja' ia bëri më të lehtë atë ngjarje që e priste, futjen në pensionin e pleqve, që i shkaktonte një frikë por të cilën ajo nuk e pranonte.

Në një ëndërr tjetër një djalë i ri sheh gruan e tij tek papritur ia merr me vete dhe i hedh dorën në qafë një djalosh i ri e tërheqës, ndërkohë që ajo e lejon e vetëdijshme. Këtu mesazhi i ëndrrës është: 'Unë përqafoj guximin tim'".

Djaloshit kjo i dha guximin, të dijë të trajtojë më mirë një sfidë që e priste. Një përvojë tipike që fitohet nga shpjegimi i ëndërrave të këtij lloji është rritja intuitive e vetëbesimit.

Nismëtari i studimit modern të ëndërrave ishte Sigmund Freud (Frojdi, Zigmund - shih fig.) me nxjerrjen në fillim të viteve 1900 të teorisë së tij mbi shpjegimin e ëndrrave. Teza thelbësore e tij se ëndrra ishte rruga mbretërore për tek e pavetëdijshmja, u kthye në gur themelor të konceptit të tij terapik në psikoanalizë.

Në ëndërr problemet e ndrydhura brenda vetes kthehen sërisht në një trajtë enigmatike. Metoda e shpjegimit të ëndrrës merret pikërisht me zgjidhjen e kësaj enigme. Për këtë do të ishte i nevojshëm një ekspert i cili do të arrinte t´i qasej thelbit të mesazhit të ëndrrës, pasiqë disa simbole vlejnë pjesërisht njëlloj për të gjithë.Gjumë dimëror për njerëzit

nga **capkenja** prej Thu Feb 11, 2010 5:02 pm

Gjumi dimëror është ai në të cilin bien disa kafshë me fillimin e dimrit për tu zgjuar përsëri në pranverë. Gjatë këtij gjumi proçesi i metabolizmit në trup që normalisht kryen djegien e karbohidrateve, ndërron gjendjen e tij duke u kthyer kështu të djegë dhjamin dhe yndyrnat.

Kjo bën që të kursehen energjitë, dhe me fjalë të tjera bën të mundur fjetjen pa ndërprerje për një kohë kaq të gjatë, si ç´është periudha e dimrit.

Tani fiziologu i kafshëve Gerhard Heldmaier ka gjetur tek kafshët dy gjene frenuese të cilat aktivizojnë ose çaktivizojnë disa enzima vendimtare në ndryshimin e gjendjeve të mësipërme të metabolizmit.
Dy gjene të tjera frenuese janë gjetur një vit më parë nga një grup studiuesish amerikanë.
Helmaier thotë se të njëjtët gjene gjenden edhe tek njeriu.

Gjetja e përdorimit.
Në filmin trillueso-shkencor "2001: Një Odise hapësire" të vitit 1968, regjizori Stanley Kubrick i vë heronjtë e tij të flënë një lloj gjumi dimëror në rrugën e tyre për në një planet të largët. Regjizorë të tjerë kanë huazuar të njëjtin përfytyrim mbi të ardhmen në filmat trillueso-shkencorë të tyre.

Kështu një ndër palët më të interesuara për arritjen e vënies së njeriut në gjumë dimëror është enti i qeverisë amerikane për hapësirën Nasa, e cila shpreson një ditë të arrijë të dërgojë njerëz drejt galaksive të reja dhe qytetërimeve jashtëtokësore. Që njerëzit në anije kozmike të rronin kaq gjatë do tu duhej të flinin me muaj apo me vite.
E interesuar është edhe Ushtria e SHBA-së. P.sh. mund të viheshin në gjumë dimëror, që është një gjendje prehjeje të qëndrueshme, ushtarët e plagosur në fushën e betejës deri kur të arrinin në spital.
Nëse do të arrihej të viheshin në gjumë dimëror organe të veçanta të trupit të njeriut do të mundej të ruheshin këto organe me muaj të tërë, çfarë do të përbënte një revolucion në mjekësinë e transplantimeve, sepse sot për sot organet duhet të transplantohen përbrenda disa ditësh, nga shkëputja prej trupit.

E bëjnë edhe majmunët.
Para pak kohësh dijetarët e Universitetit në Marburg të Gjermanisë zbuluan diçka tepër mahnitëse. Ata gjetën për herë të parë një lloj majmuni të familjes Lemure nga Madagaskari që bien në gjumë dimëror.
Meqënëse majmunët janë kafshët më të afërta me njerëzit, atëherë mendohet se kjo cilësi biollogjike mund të përdorej edhe nga njerëzit.

Haldmaier, që është profesor në Universitetin e Marburg-ut dhe që ka luajtur një rol të rëndësishëm në arritjen e shumë zbulimeve shkencore thotë: "Njerëzit nuk kanë ndonjë ndryshim thelbësor nga gjitarët e tjerë. Nuk ka asgjë që të kundërshtonte idenë se edhe njerëzit mund të bënin gjumë dimëror."

nga **capkenja** prej Thu Feb 11, 2010 5:02 pm

Gjumë dimëror në Sibiri
Një shembull gjumi dimëror ndër njerëzit është rasti i një fisi siberian që rronte përpara 100 vjetësh në anët e Pskov. Për shkak të mungesës së ushqimeve gjatë dimrit familjet mblidheshin përqark zjarrit që me rënien e borës së parë dhe nisnin kështu të flinin. Një herë në ditë secili çohej dhe hante një copë bukë, gëlltiste një gllënkë ujë dhe kthehej përsëri për të fjetur. Ata e kryenin këtë punë për gjashtë muaj të tërë derisa të vinin shenjat e para të pranverës. Këtë gjumë dimëror ata e quanin "Lotska".Njerëzit mësojnë në gjumë

Dihet që gjumi është i nevojshëm për të mbijetuar. Mendohej se ai ishte vetëm një periudhë pushimi por kohët e fundit dijetarët kanë parë një lidhje midis kujtesës dhe gjumit.

Freud (Frojdi) që në 1897-tën shkruante se nuk mendonte që ëndrrat ishin të pakuptimta por ishin një mënyrë për të lëvruar përvojat e fituara.
Në eksperimentet e fundit të bëra me njerëz është vërejtur se ato pjesë të trurit që kanë qenë në veprim gjatë ditës janë në veprim edhe gjatë natës.
Edhe kur trupi pushon pjesa qëndrore e trurit vazhdon të punojë pa ndërprerje ndonëse edhe pjesa ballore e trurit, ajo që ka të bëjë me vetëdijen, shkëputet.

Gjithashtu pas një gjumi të rregullt, të nesërmen njerëzit ishin më të përgatitur për të kryer zanatin e ri që kishin nisur të bënin një ditë më parë.
Është vërejtur edhe se ata që nuk flënë sa duhet e kanë të vështirë të mësojnë gjëra të reja.

Tërë këto vrojtime tregojnë se diçka ndodh me trurin kur flemë.
Kështu është arritur në përfundimin se ndonëse ne nuk e kuptojmë, truri ynë gjatë natës vazhdon të punojë për sqarimin e çështjeve që na dalin gjatë ditës. Pra gjumi është i rëndësishëm për të mësuar gjëra të reja. Kjo vlen jo vetëm për njerëzit por edhe për kafshët, zogjtë e insektet.

Gjatë një nate fjetjeje të zakonshme kryhen 4 deri 5 qarqe gjumi secila me nga 5 gjendje të ndryshme. Në gjendjen e parë të një qarku gjumi është kaq i lehtë sa një individ që zgjohet gjatë kësaj gjendje thotë se nuk është e vërtetë që ka qenë duke fjetur. Në gjendjen që vjen pas kësaj flihet pak më thellë, dhe quhet gjum themeltar. Në gjendjen e tretë dhe të katërt flihet thellë dhe gjatë këtyre gjendjeve trupi trupi merr vehten.

Pas tyre vjen i ashtuquajturi gjum me ëndrra që ka si tipar dallues lëvizjen e shpejtë të syve (rapid eye movements - REM).Muskujt e trupit lëshohen krejt. Dijetarët mendojnë se kjo është një masë sigurie që të mos ecim në gjumë apo të përjetojmë ëndrrat me veprime. Përveç kësaj, truri e lëshon kontrollin mbi temperaturën e trupit. Gjaku ynë ftohet dhe i përshtatet temperaturës së mjedisit.

Gjumi REM zgjat vetëm disa minuta gjatë qarkut të parë të gjumit. Pas tij nis qarku i dytë ku shkohet përsëri përgjatë të 5 gjendjeve të përmendura më sipër. Në qarqet që pasojnë REM është pak më i gjatë.

Është pikërisht gjendja REM ajo në të cilën ne mësojmë pasi rritet shumë e ashtuquajtura kujtesë implicite (e ndërlikuar). Është ajo lloj kujtese gjatë së cilës njeriu nuk mendon në mënyrë aktive, por që në mënyrë automatike gjendet aty dhe na mëson më tepër duke na shtuar aftësitë si fizike ashtu edhe mendore.

Kështu pra gjendja REM që arrihet vetëm kur flihet gjum i thellë, është shumë i rëndësishëm, sidomos për ata studentë që duan të përmirësojnë kujtesën e tyre.

Gjatë gjumit të thellë bëhet shartimi i fragmenteve të kujtesës së ditës dhe mendohet se ajo pjesë e trurit që quhet Hippocampus vendos se çfarë duhet ruajtur në kujtesë.

Mendohet se kujtesa e një çasti ruhet e ndarë në pjesë në disa vende të trurit. Një vend ruan ngjyrën, një tjetër formën, dhe një tjetër figurën.

Në vendin ku është ruajtur ngjyra e një sendi, ruhen edhe ato fragmente të kujtesës që kanë të njëjtën ngjyrë dhe është më e lehtë ti sjellësh ndërmend kur kujton ngjyrën në fjalë.

nga **capkenja** prej Thu Feb 11, 2010 5:03 pm

Gërhitja e fortë mund të shkaktojë goditje cerebrale

Hulumtimet e fundit kanë treguar se ekziston lidhje e fuqishme në mes të gërhitjes së zëshme, sëmundjeve të zemrës dhe sulmit në tru.

Personat të cilët gërhasin heshturazi apo qetë, janë më pak në rrezik për të pësuar nga sëmundjet e lartpërmendura.

Hulumtuesit hungarezë kanë biseduar me mbi 12.000 pacientë dhe kanë përfunduar se personat të cilët gërhasin zëshëm janë shumë më të ekspozuar ndaj sëmundjeve kardiovaskulare apo sulmit në tru për dallim nga pjesa e tjetër e popullatës, njofton BBC.

Rezultatet e këtij hulumtimi, të cilat janë publikuar në revistën shkencore Journal Sleep, hedhin dritë të re në teoritë e deritanishme mbi lidhjen e gërhitjes së zëshme dhe sëmundjeve kardiovaskulare. Në një periudhë të caktuar të jetës, të gjithë njerëzit gjatë fjetjes gërhasin në mënyrë të zëshme apo të heshtur.

Më shpesh gërhasin personat me peshë të shtuar. Hulumtimet kanë dëshmuar, se rregullisht gjatë fjetjes gërhasin 40 për qind e meshkujve dhe 24 për qind e femrave.

Në dallim me pjesën tjetër të popullatës, personat të cilët gërhasin zëshëm kanë 34 për qind më shumë gjasa të preken nga sulmi në zemër dhe madje 67 për qind gjasa të sulmohen nga sulmi në tru. Është interesante e dhëna, se tek njerëzit të cilët gjatë fjetjes gërhasin heshtazi nuk ka rrezik të shtuar për t u prekur nga sëmundjet kardiovaskulare.

Derisa, lajm i mirë për meshkujt është se gërhitja e zëshme zvogëlohet pas moshës së tyre shtatëdhjetëvjeçare. Cdodite

Gërhitja e dëmshme për shëndetin

Gërhitja e dëmshme për shëndetin

Re: Gërhitja e dëmshme për shëndetin

Re: Gërhitja e dëmshme për shëndetin

Re: Gërhitja e dëmshme për shëndetin

Re: Gërhitja e dëmshme për shëndetin

Re: Gërhitja e dëmshme për shëndetin

Re: Gërhitja e dëmshme për shëndetin