Kina nis ndertimin e nje ure 50 km te gjate

nga **capkenja** prej Wed Dec 16, 2009 1:55 pm

Një urë e gjatë plot 50 kilometra, 35 prej të cilave gjenden mbi det. Ky është projekti më gjigant i hartuar ndonjëherë për një urë në botë, i cili është realizuar nga shteti kinez.

Bëhet me dijeni se Kina ka filluar ndërtimin e urës më të gjatë në botë, e cila do të lidhë Hongkongun me Makaun dhe pjesën kontinentale të Kinës.

Ndërkaq, ndërtimi i urës me formën e shkronjës “Y”, mësohet se do të kushtojë plot
10.7 miliardë dollarë.

Afati i përfundimit të saj është parashikuar që të jetë viti 2015 dhe punimet parashikohet të mos jenë dhe aq të lehta po të mendosh se 2/3-at e kësaj ure janë mbi det.

Më tej, bëhet me dijeni se projekti përmban edhe faktin që makinat do të mund të udhëtojnë me një shpejtësi prej 100 km/orë në urën që do të ketë gjashtë korsi.